Die lieflike stad Kopenhagen!

Ek en Nina het laas saterdag oggend die trein van Orebro geneem om De Wet in Stockholm te kry na sy tyd in Svalbard. Ons bly net so 300m van die stasie af so ek het sommer geloop met die pakkasie!

Nina se eerste proe aan 'n egte "danish pastry", heeerlik!

Ons het saterdag aand na Tivoli Gardens gegaan. Dit is in 1843 geopen en is die tweede oudste pretpark in die wereld! 

Die pantomine teater

Nina was baie ongelukkig omdat sy nog nie lank genoeg is om op een van die pretritte te gaan nie! ;-)

Alles is 'n fees vir die oog.

Sondag oggend het ons op 'n bootrit gegaan deur die stad se kanale. Ons kon 'n baie goeie idee kry van die stad en die geskiedenis.

Nina was weer op haar beste, en het die vrou voor ons omtrent gecharm! Dit was net drukkies en laggies vir almal wat na haar rigting kyk!

Noma - die beste restaurant in die WERELD vir die afgelope 2 jaar! Ons wou graag daar gaan eet het, tot ons gehoor het die gemiddelde prys vir 'n hoofmaaltyd is so R1200 en dat die waglys so 6 maande is...

Little mermaid standbeeld - een van die mees gewildste toeriste aantreklikhede in Kopenhagen.Dit kom uit een van Hans Christian Anderson se kinderstories.  

Ons het gegaan na Hans Christian Anderson se museum. Hy is die skrywer van al die bekende kinderstories soos Die Lelike Eendjie, Thumbelina, Little Mermaid, The Match Girl, The Emperor's New Clothes en The Princess and the Pea onder andere.

Lego kom van Denemarke af! Hier is ons in die groot Lego winkel.

Ons het vir middagete smørrebrod geeet, dit is tipies deens. Klomp verskillende tipes broodjies met vis as vulsel. Ons het natuurlik een met salm geeet!

Die langste inkopie straat net vir voetgangers in Europa! Pragtige winkels!

Kopenhagen is ook bekend vir almal wat fiets ry. 34%van die inwoners ry fiets werk toe! Daar is tot spesiale paaie vir fietse (nie net bane nie) met robotte en al. Hierdie is tipies hoe van die fietse aangepas is om goed te kan vervoer.

Maandag was ons na die Frederiksberg park toe. Die herfskleure is so mooi!

Die Dummy-boom! Dit is 'n tradisie in Kopenhagen vir kinders om hulle dummies te "gee" vir die boom as dit nou tyd is. Daar hang stringe dummies met tot afskeidsbriefies en fotos by! Ons kon sien Nina was bietjie benoud dat sy haar dummy ook daar sal moet los. :-)

4 Babas in een stootwaentjie! Hierdie styl waentjie is ook tipies van Kopenhagen,, die outydse styl met groot wiele. 

Ons het ook 'n draai gaan maak by die Carlsberg bier brouery. Hierdie is die bekende Carslberg Elephant Gate wat in 1901 gebou is.

Van Kopenhagen af het ons met 'n trein gery na Helsingor. Fotos volg!

De Wet in die Noordpool... amper!

De Wet was vir 'n kongres na Svalbard laasweek! Dit is 'n eiland in die arktiese sirkel (deel van Noorwee) ver weg van enige iets. Maksimum temperatuur was maar 2grade....

Landskap van Svalbard uit die vliegtuig.

Die "hoofstad" van die eiland

Daar is meer ysbere op Svalbard as inwoners... Die populasie van Svalbard is ongeveer 2000 mense en 3000 ysbere!

Die teken is oral op die eiland. Jy mag glad nie uit die dorpie gaan sonder 'n geweer nie.

Hier is De Wet en Dirk Koekemoer besig met 'n gehoortoets wat oor die internet gedoen word. De Wet het 'n pasient se gehoor getoets in Suid-Afrika! Dink nie daar is al ooit so 'n lang afstand gehoor toets gedoen nie. Dit is 'n groot deel van die navorsing waarmee De Wet besig is op oomblik.

Ek en Nina het vir De Wet toe Saterdag in Stockkholm gekry en vandaar die trein geneem na Kopenhagen. To be continued...

Gotland - Island of the Vikings!

Ons was vir die naweek Gotland eiland toe! Wat 'n belewenis!! Dit was 'n lang reis vir net 'n naweek, maar oor en oor die moeite werd! Ons moes vrydag oggend 06h20 die trein vat Stockholm toe, toe 'n bus ry na die hawe-dorp Nynashamn toe en vandaar 'n 3 1/2 uur ferrie rit na Visby hoofstad van Gotland.

Gotland is so ryk aan geskiedenis en kultuur - die stad Visby dateer uit die 12e en 13e eeu en was een van die Vikings se "trade cities". 

Nina vroeg oggend op die trein. Lekker laf!

Die ferrie lyk meer soos 'n passasierskip! Ons was oor die 800 mense aan boord vrydag.

Nina was uit haar kassie met die ferrie rit. Wou net op en af en met almal sosialiseer... Ons het omtrent ons hande vol gehad!

Ons was geseend met die mooiste 2 dae op die eiland! Die weervoorspelling het eintlik reen en baie koue voorspel maar dit was pragtige dae! Ons het by 'n klein vakansieoord gebly net buite Visby en was seker een van 10 mense in 'n reuse oord. Die vakansie seisoen is verby en alles begin toemaak vir die winter nou.

Oral waar ons gaan word daar natuurlik geswaai! Pa en dogter deel 'n lekker oomblik saam. Die 2 is MAL oor mekaar!

Die hoof ingang na Visby. Visby is verklaar tot 'n UNESCO World heritage Site. Dit is die oudste dorpie in die Skandinawiese lande wat dateer uit die middeleeue wat so mooi behoue gebly het. 'n Groot deel van die stadsmuur is ook nog daar, baie besonders om dit te sien!

Hierdie is paar fotos van binnekant die dorpie. Baie Swede het hul "summer houses" hier. Piepklein huisies wat miljoene euros werd is. Daar was ook ongelooflik baie (en groot) kerke gebou in die middeleeue en dit is ongelooflik om al die reunes te sien van die kerke.

Die see daar is meer soos 'n yslike dam! Amper geen branders en nie die tipiese strand soos ons dit ken nie. Ons het oral ook swane op die water gesien!

In die oord waar ons gebly het is daar 'n begraafplaas wat dateer uit die yster tydperk! Die dae wat hul nog lyke op brandstapels gebrand het.

Saterdag het ons gery en die eiland gaan verken. Alles is nog so mooi lower-groen. Moeilik om te dink dat oor 'n ruk is alles wit van die sneeu!

Weer 'n pragtige ou kerk in een van die kleiner dorpies.

Van hierdie werke dateer vanuit 500AD.

Die swede was nie altyd so lank nie...

Pragtige uitkyk punt van bo 'n koppie.

Oral groei hierdie mooi bessie-bome. 

Nina oefen om te loop, bietjie wydsbeen...

Op die strand! Nina kon haarself baie lank besig hou met al die klippe. 

Ons het by 'n heerlike bakkery gestop vir middag ete langs die pad.

Nina het 'n liefde vir appels ontwikkel. 

Een van die oudste huisies wat behoue gebly het in die stadsmuur.

Roomys is "Glass" in sweeds - heel gepas!

Nina het ook lekker gesmul aan die bloubessie glass! :-)

Ingang met 'n valhek

En nog klippe...

Wonderlike spesiale ervaring! Ongelooflik om die plekke te sien en te weet dis meer as eeue ouer as ons Suid Afrika.
Die geskiedenis van Gotland is fassinerend met die vikings. Die Dene en Swede het al baie baklei vir eienaarskap van die land. Vir die wat meer wil lees daaroor Wikipedia het baie goeie inligting:
http://en.wikipedia.org/wiki/Gotland